U Biełarusi prypynieny prodaž antyvirusnych i kryptahrafičnych prahram — zahad AAC
Antyvirusnyja prahramy zdolnyja vyjaŭlać na kampjutarach trajany-špijony, a kryptahrafičnyja — zachoŭvać infarmacyju ŭ šyfravanym vyhladzie.
U Biełarusi prypynieny prodaž antyvirusnaha prahramnaha zabieśpiačeńnia. Heta abumoŭlena ŭvachodžańniem u siłu zahada Apieratyŭna-analityčnaha centra pry prezidencie. Zahad ad 17 śniežnia 2013 hoda № 94 nabyŭ moc 1 studzienia hetaha hoda.
Zhodna z dakumientam, z 1 studzienia 2014 hoda ŭ Biełarusi padlahajuć dadatkovaj siertyfikacyi prahramnyja srodki abarony ad uździejańnia škodanosnych prahram i antyvirusnyja prahramnyja srodki. U suviazi z hetym aficyjnyja prodažy niesiertyfikavanych antyvirusnych praduktaŭ prypynieny.
Aprača taho, zhodna z zahadam, razam sa srodkami prasłuchoŭvańnia, abarony ad prasłuchoŭvańnia, srodkami kryptahrafičnaj abarony infarmacyi i inšymi abaviazkovaj siertyfikacyi padlahajuć taksama maršrutyzatary i sistemy kiravańnia sajtami.
Prypynieńnie realizacyi paćviardžajuć niekatoryja biełaruskija aficyjnyja pastaŭščyki antyvirusnych praduktaŭ «Łabaratoryi Kaśpierskaha», Symantec i inšych.
Kampanii rychtujuć i nakiroŭvajuć dakumienty na siertyfikacyju, čakajučy adnaŭleńnia prodažu ŭ chutkim časie.