Litoŭcy bajkatujuć rasijskija tavary
Paśla taho jak Rasija aneksavała Krym, častka litoŭskich pakupnikoŭ pierastała kuplać niekatoryja rasijskija tavary. Takuju tendencyju fiksujuć handlovyja sietki Maxima i Iki.
Śpiecyjalist pa markietynhu Mihle Šantajte-Pietkiavičenie vykazała zdahadku, što rašeńnie bolšaj častki pakupnikoŭ zaležyć ad koštu na pradukt. Adnak jana nie vyklučyła, što častka spažyŭcoŭ moža śviadoma admaŭlacca ad rasiejskich tavaraŭ, piša ru.delfi.lt.
Akramia taho, praviedzienaje joju z kaleham daśledavańnie pakazała, što litoŭskija pakupniki admoŭna aceńvajuć Rasieju jak vytvorcu charčovych tavaraŭ.
Kuplajuć mienš harbaty, aleju i piva. Pres-sakratar sietki Maxima Renata Saulite skazała, što ŭ apošni čas pamianšajucca prodažy rasiejskich tavaraŭ.
«Prykładna na 10% źmienšylisia prodažy rasiejskaj ryby, na 20% — roznaha piečyva, zakusak da piva, na 30% — harbaty, słaniečnikavaha aleju, cukierak, suchich śniadankaŭ. Na 25% źnizilisia prodažy rasiejskaha piva, krychu bolš čym na 10% — fruktovych napojaŭ», — skazała jana.
Praŭda, jość i pradukty, prodažy jakich u apošni čas raśli - prykładna na 20% pavialičylisia prodažy arechaŭ i siemak, mocnych ałkaholnych napojaŭ, u dva razy - vady i sokaŭ. Rastuć abjomy prodažaŭ niecharčovych tavaraŭ - tavaraŭ dla novanarodžanych i aŭtamabilaŭ.
Dadzienyja handlovaj sietki pakazvajuć, što ŭ pieršym kvartale hetaha hoda, u paraŭnańni z tym ža pieryjadam minułaha, abjom prodažaŭ rasiejskich tavaraŭ pavialičyŭsia na 14%. Adnak, pa słovach Saulite, heta ŭ asnoŭnym z-za rostu abarotu prodažaŭ pramysłovych tavaraŭ.
«Ciažka skazać, jaki ŭpłyŭ na abjomy prodažaŭ akazali padziei va Ukrainie i pazicyja Rasiei. Być moža, častka patryjatyčna nastrojenych pakupnikoŭ, jakija sočać za padziejami i padtrymlivajuć ukraincaŭ i admaŭlajecca ad rasiejskich tavaraŭ, vybirajučy inšyja. Adnak źnižeńnie prodažaŭ moža być abumoŭlena tym, što sietka nie robić źnižki na hetyja tavary, a heta dla litoŭcaŭ vielmi važna», - skazała Saulite.
Padobnyja tendencyi adznačaje i handlovaja sietka Iki. Jaje pres-sakratar Andrus Piatrajcis skazaŭ, što dadzienyja za sakavik pakazali, što stali mienš kuplać rasiejski ałkahol, harbatu, rafinavany słaniečnikavy alej.
Nahadajem, ukraincy aktyŭna bajkatujuć rasnjskija tavary. Za apošni čas popyt na tavary z Rasiei paniziŭsia na 40%.