BCHD: Vaśkoviča znoŭ sprabujuć złamać
Jak stała viadoma aktyvistam arhkamiteta pa stvareńni partyi Biełaruskaja chryścijanskaja demakratyja, administracyja Mahiloŭskaj turmy pačała akazvać usiebakovy cisk na palitviaźnia Jaŭhiena Vaśkoviča praz asudžanych. Internet-sajt BCHD spasyłajecca na krynicy ŭ mahiloŭskaj turmie №4.
Raniej Jaŭhiena łamali, biaskonca źmiašajučy jaho ŭ štrafny izalatar, abmiažoŭvajučy ŭ infarmacyi, ježy, spatkańniach i pieradačach.
Vaśkovič — najmałodšy ź biełaruskich palitviaźniaŭ. Jaho asudzili za napad na budynak KDB u Babrujsku, jaki adbyŭsia ŭ noč z 16 na 17 kastryčnika 2010 hoda. U napadzie nichto nie paciarpieŭ, a realnyja straty skłali 253 tysiačy rubloŭ, jakija byli kampiensavanyja. Niahledziačy na heta, Jaŭhiena Vaśkoviča sud prysudziŭ da siami hadoŭ źniavoleńnia ŭ kałonii ŭzmocnienaha režymu.
U svaim apošim słovie chłopiec skazaŭ, što ličyć svaim śviatym abaviazkam baranić nacyjanalnyja biełaruskija kaštoŭnaści: «Za ich ja ŭmierci hatovy, bo žyćcio karotkaje, a radzima viečnaja».
Vaśkovič Jaŭhien Siarhiejevič siadzić u turmie №4, 212011, h. Mahiloŭ, vuł. Krupskaj, 99A.