Ukrainskija siłaviki identyfikavali rasijskich desantnikaŭ na ŭschodzie — heta elitnyja vojski
Pra heta zajaviŭ siłavy ŭkrainski vice-premjer Vital Jarema ŭ Pałtavie, dzie ŭčora pachavali zahinułaha śpiecnazaŭca Hienadzia Biłyčenku.
Pavodle jaho słoŭ, niama nijakaha sumnievu, što na ŭschodzie Ukrainy dziejničajuć elitnyja vojski RF. Heta pradstaŭniki padraździaleńnia 45-y hvardziejski połk pavietrana-desantnych vojskaŭ Kupianka-1, jaki raskvataravany kala Maskvy. Ciapier heta padraździaleńnie znachodzicca na terytoryi Ukrainy.
«Tamu, usie słovy Pucina i Łaŭrova pra toje, što tut adsutničajuć rasijskija vojski — heta ŭsio chłuśnia», — skazaŭ Jarema.
Taksama jon raspavioŭ, što hienprakuratura zaviała kryminalnuju spravu pa fakcie teraryzmu i zabojstvaŭ, i zabojcy aficera «Alfy» buduć abvieščanyja ŭ miždziaržaŭny vyšuk.
«Ale ja spadziajusia, što hetyja asoby buduć źniščanyja, a nie zatrymanyja», - skazaŭ Jarema.
Zahinułaha Hienadzia Biłyčenku za prajaŭleny hieraizm pradstaviać da ŭznaharody.