SBU: Ahienty FSB sprabavali spravakavać «Pravy siektar» na pastaŭki zbroi ŭ Rasiju
Abvinavacić Ukrainu ŭ pastaŭkach zbroi terarystam i cisnuć na jaje na mižnarodnym uzroŭni — takuju apieracyju rasijskich śpiecsłužbaŭ vykryła Słužba biaśpieki Ukrainy.
Tam raspaviali, što ŭ 2012 hodzie pałkoŭnik FSB Alaksiej Alaksandravič Čepik zavierbavaŭ hramadzianina Ukrainy «O». Jak dokaz, apublikavali razmovy ŭ Skype, jakija byli ŭ studzieni— lutym hetaha hoda.
Čepik daručyŭ hramadzianinu «O» ŭstanavić kantakt z aktyvistami i kiraŭnictvam UNA-UNSO, u pryvatnaści, Saško Biłym.
A pa mahčymaści, samomu ŭlicca ŭ šerahi arhanizacyi. Nastupnym pa zadumie pavinny byli stać kantrabandnyja pastaŭki strałkovaj zbroi ŭ Rasijskuju Fiederacyju. Jany pavinny byli ažyćciaŭlacca pad kantrolem FSB. Adnak, jak tolki tavar by trapiŭ na terytoryju Rasii, to jaho pastaŭščykoŭ zatrymali b ci zabili. A potym by vystavili pretenzii da Ukrainy, kab padarvać jaje mižnarodny imidž.
Zaraz u SBU nie ŭdakładniajuć, ci ŭdałosia zatrymać kahości z udzielnikaŭ zmovy. Raniej SBU zatrymała sieparatysta, jaki płanavaŭ arhanizavać biesparadki na Danieččynie.
Jak viadoma, člen Pravaha siektara Alaksandr Muzyčka, viadomy jak Saša Bieły, zahinuŭ na Rovienščynie.
U milicyi śćviardžajuć, što Muzyčka byŭ členam AZH i znachodziŭsia ŭ vyšuku. Spačatku siłaviki zajavili, jaho śmiarotna paranili padčas zatrymańnia, bo jon adkryŭ ahoń u bok bajcoŭ śpiecpadraździaleńnia «Sokał», jakija sprabavali jaho zatrymać.
Zatym u MUS śćviardžali, što Muzyčka zastreliŭsia sam.