Ryčard Hir udavaŭ biazdomnaha ŭ Ńju-Jorku, turystka jaho pakarmiła FOTY
Na vulicach Ńju-Jorka Ryčard Hir uvasablaŭ biazdomnaha. Turystka z Francyi nie paznała jaho i…
«Jon byŭ vielmi ŭražany tym učynkam. Pryznaŭ, što kali padyšła da jaho, adčuvaŭ, nibyta atrymaŭ padarunak ad sapraŭdnaha anioła», - Ryčard Hir nastolki pierakanaŭčy ŭ svajoj novaj roli, što minaki na vulicy ličać jaho sapraŭdnym biazdomnym. Turystka z Paryža dała jamu navat torbu ź ježaj.
Heta adbyłosia padčas zdymak novaha filma Hira «Time Out of Mind», u jakim aktor ihraje biazdomnaha. Častka filma zdymajecca schavanaj kamieraj. Hir błukaje vulicami Ńju-Jorka nie siarod statystaŭ, a miž zvyčajnych ludziej, korpajecca ŭ śmietnicach, žabruje.
Žurnalisty adšukali turystku, jakaja paličyła Hira sapraŭdnym biazdomnym.
Karyna Hambu-Vałno — 42-hadovaja francužanka, jany z mužam i 15-hadovym synam źjeli picu ŭ restaranie, a jaje reštu zabrali z saboj. I tut, ułasna, spatkali na vulicy «biazdomnaha».
Jon spytaŭ: «Što ŭ torbie?» Jana na łamanaj anhlijskaj vybačyłasia, što pica chałodnaja. «Dziakuj. Niachaj Boh vas dabrasłavić», — adkazaŭ jon. A praz dva dni pabačyła siabie na fota ŭ hazietach i daviedałasia, što trapiła ŭ novy film Hira.