Mitrapalit Pavieł: Zvany źmianšajuć radyjacyju — top-7 vykazvańniaŭ uładyki Paŭła
Patryjaršy ekzarch usioj Biełarusi Pavieł pje harbatu z žurnalistami paśla pres-kanfierencyi.
Pra słavianski narod
Biełaruś, Ukraina i Rasija – heta słavianski narod. U nas adny karani, adna relihija, adna kultura. U nas i mova adna, jakaja ŭsim zrazumiełaja.
Nas palityka siońnia padzialiła. Tyja, chto žyŭ u Vialikaj Rusi — stali nazyvacca rasijanami, u Małoj Rusi — ukraincy, u Biełaj — biełarusy.
Pra słužeńnie pa-biełarusku
Niekatoryja śviatary sprabavali słužyć tolki na biełaruskaj movie. Ale praz peŭny čas zaŭvažyli, što častka prychadžanaŭ zachodzić u inšyja cerkvy.
Naša zadača — achapić jak maha bolš ludziej słužeńniem Bohu i propaviedździu Jevanhiella.
Pra Ukrainu
Ukraina – naš ahulny bol. Sutyknuli ludziej. Adnym paabiacali dobryja pierśpiektyvy, kali jany paviernucca na zachad, inšym – na uschod. U narodzie kažuć «pany dziarucca, a z chałopaŭ šapki laciać». Prostyja ludzi chočuć prosta spakojna žyć i pracavać. Jakaja im roźnica, jak ich kraina budzie nazyvacca?
Pra zvany i radyjacyju
Zvon supakojvaje hromy, małanki i vichury. Dziakujučy vučonym, stała viadoma, što ŭ radyusie čutnaści zvonu źnižajecca radyjacyja.
Pra Jeŭropu
Na žal, Jeŭropa dechryścijanizujecca, adychodzić ad kaštoŭnaściej, jakimi žyli mnohija pakaleńni. Siońnia jość zachapleńnie novymi idejami, a jany nie pravieranyja časam.
Pra Kančytu
Jak jepiskap, ja adrazu baču niejkuju prychavanuju dumku, što ŭ vobrazie Kančyty sprabavali prypadobnicca da Chrysta: i barodka, i raspuščanyja vałasy. I hetaje «jano» siońnia zachaplaje ludziej, zajmaje pieršaje miesca.
Pra košty na pasłuhi śviataroŭ
Kali na pachavańnie zaprašajuć duchavy arkiestr za dva miljony, pytańnie pra apłatu nie ŭźnikaje. Kali ž u carkvie za adpiavańnie prosiać hrošy, ludzi aburajucca.
Zrešty, u ciažkaj finansavaj situacyi śviatar vykanaje carkoŭnyja tajemstvy biaspłatna. Kali admovicca, budziem hetaha śviatara adpraŭlać u kałhas.
Hladzicie taksama: Mitrapalit pra Łukašenku: Jon narmalny pravasłaŭny čałaviek, a nie pravasłaŭny ateist
Mitrapalit Pavieł pra pieramožcu «Jeŭrabačańnia»: «Ja nie pieranošu takich śliźniakoŭ»