MZS: Biełaruś pavažaje vybar ukrainskaha naroda i hatovaja da kanstruktyŭnaha supracoŭnictva
Biełaruś pavažaje vybar ukrainskaha naroda i hatova da dalejšaha kanstruktyŭnaha supracoŭnictva sa svaim susiedam. Ab hetym havorycca ŭ zajavie Ministerstva zamiežnych spraŭ Biełarusi ŭ suviazi z praviadzieńniem va Ukrainie pazačarhovych prezidenckich vybaraŭ.
«Nieabchodna kanstatavać, što vybarčaja kampanija prachodziła ŭ biesprecedentna žorstkaj i napružanaj abstanoŭcy. Na žal, častka hramadzian nie była ŭklučana ŭ vybarčy praces. Razam z tym ukrainskaje hramadstva prademanstravała vysoki ŭzrovień hramadzianskaj śviadomaści i imknieńnie pačać ruch da zabieśpiačeńnia nacyjanalnaj zhody, unutranaj stabilnaści i ŭstojlivaha ekanamičnaha i palityčnaha raźvićcia», - adznačajecca ŭ zajavie.
U biełaruskim MZS spadziajucca, što hetyja vybary stanuć značnym krokam na šlachu da adnaŭleńnia ŭzajemarazumieńnia, narmalizacyi situacyi ŭ krainie, pabudovy va Ukrainie paŭnacennaj viertykali ŭłady.