U NASA skłali usiepłanietnaje «sełfi» VIDEA
Aerakaśmičnaje ahienctva ZŠA pradstaviła fatahrafiju Ziamli, składzienuju z «sełfi», dasłanych dobraachvotnikami.
Usiaho dla stvareńnia hłabalnaj fatahrafii spatrebiłasia 36 tysiač fotazdymkaŭ, dasłanych u ramkach akcyi GlobalSelfie, praviedzienaj u honar Dnia Ziamli 22 krasavika. Pryniać udzieł u mierapryjemstvie mahli ŭsie žadajučyja. Dla hetaha nieabchodna było sfatahrafavacca na fonie miascovaha piejzažu sa śpiecyjalnaj tabličkaj u rukach. Usiaho karystalniki dasłali zvyš za 50 tysiač «sełfi» bolš čym sa 100 krain.
Z poŭnapamiernaj fatahrafijaj možna paznajomicca na sajcie prajekta GigaPan. Fatahrafiju možna maštabavać, kab uvažliva razhledzieć kožny sa składajučych jaje zdymkaŭ. Pry hetym raźmiaščeńnie fatahrafij na hłabalnaj mapie nie pryviazana da tych miescaŭ, dzie jany byli zroblenyja.
U NASA taksama stvaryli sieryju z šaści tematyčnych videarolikaŭ, sabranych z dasłanych fotazdymkaŭ. Tak, adzin ź ich pryśviečany pryhožym kutkam płaniety, u jakich fatahrafavalisia ŭdzielniki akcyi, inšy sabrany z fatahrafij, na jakich prysutničajuć žyvioły. Z usimi rolikami možna aznajomicca na kanale ahienctva ŭ YouTube.