Žychar Mścisłava ŭ paryvie reŭnaści padpaliŭ ułasny dom
Śledčy kamitet pačaŭ rasśledavańnie spravy ab naŭmysnym paškodžańni majomaści ŭ dačynieńni da žychara Mścisłava, jaki ŭ paryvie reŭnaści padpaliŭ svoj dom.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, incydent adbyŭsia 1 červienia, kali niećviarozy 43-hadovy mužčyna ŭ hutarcy z byłoj žonkaj pačaŭ dzialić majomaść. U pracesie dzialby ŭspychnuła svarka, i mužčyna nibyta dla taho, kab dom nie dastavaŭsia nikomu, raźliŭ ŭ im kanistru z haručaj vadkaściu i padpaliŭ. Žančyna pry hetym pakinuła budynak.
Ahniom byŭ paškodžany dach, vieranda, častkova — majomaść u domie.
U dačynieńni da padazravanaha ŭ padpale raspačataja sprava pa častcy 2 artykuła 218 Kryminalnaha kodeksa (naŭmysnaje źniščeńnie abo paškodžańnie majomaści). Mužčyna zatrymany.