Na prezidenckich vybarach u Jehipcie fieldmaršał Sisi nabraŭ 97%
U Jehipcie padviedzieny kančatkovyja vyniki prezidenckich vybaraŭ, jakija prajšli ŭ krainie ŭ kancy maja. Pieramožcam pryznany były ministr abarony Jehipta Abdel Fatach al-Sisi, jaki atrymaŭ 96,91% hałasoŭ.
Reuters.com
Jaho adziny supiernik sacyjalist Chamdzin Sabachi nabraŭ 3,09% hałasoŭ.
Jaŭka na vybarach skłała 47,45%. Takim čynam na vybarčyja ŭčastki pryjšli kala 25 miljonaŭ čałaviek.
Al-Sisi zajmaŭ pasadu ministra abarony z žniŭnia 2012 hoda pa sakavik 2014 hoda. Ź lipienia 2013 pa sakavik 2014 fieldmaršał byŭ namieśnikam premjer-ministra krainy.
U lipieni 2013 vajskoviec arhanizavaŭ dziaržaŭny pieravarot, jaki pryvioŭ da źviaržeńnia prezidenta krainy Muchamieda Mursi.
Paśla hetaha ŭ krainie pačalisia hanieńni na prychilnikaŭ ruchu «Braty-musulmanie».