Žychar Pinskaha rajona atrymaŭ 12 hadoŭ pazbaŭleńnia voli za zabojstva maci
Sudovaja kalehija pa kryminalnych spravach Bresckaha abłasnoha suda 9 červienia na vyjaznym pasiadžeńni ŭ Pinsku vyniesła pryhavor 51-hadovamu žycharu vioski Asabovičy, jaki zabiŭ svaju maci.
Jak paviedamiŭ staršy pamočnik prakurora Bresckaj vobłaści Alaksandr Šulak, jaki padtrymlivaŭ dziaržaŭnaje abvinavačańnie pa spravie, viečaram 28 lutaha mužčyna, jaki žyŭ z 76-hadovaj maci, nanios joj padčas svarki nie mienš čym dzieviać udaraŭ rukami pa hałavie i ciele. U vyniku žančynie byli pryčynieny ciažkija cialesnyja paškodžańni, ad jakich jana pamierła na miescy.
Praź niekalki hadzin syn vyjaviŭ, što maci pamierła, i paviedamiŭ ab hetym susiedziam.
«U chodzie papiaredniaha rasśledavańnia i ŭ sudovym pasiadžeńni było ŭstanoŭlena, što ŭ hety dzień abvinavačany pryjšoŭ damoŭ u stanie ałkaholnaha apjanieńnia. Jamu nie spadabałasia, što maci pastryhłasia. Na hetaj hlebie ŭ ich uźnikła svarka, u chodzie jakoj syn źbiŭ žančynu», — skazaŭ Šulak.
Sudovaja kalehija pa kryminalnych spravach Bresckaha abłasnoha suda pryznała mužčynu vinavatym pa pp. 2 i 6 č. 2 art. 139 Kryminalnaha kodeksa (zabojstva z asablivaj žorstkaściu sastarełaj asoby) i pryhavaryła da 12 hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu.
«U sudzie abvinavačany pryznaŭ svaju vinu častkova, zajaŭlajučy, što nanios maci mienš udaraŭ i nie chacieŭ jaje zabivać», — adznačyŭ Šulak.
Mužčyna raniej nie sudzimy, pracavaŭ pastuchom u miascovym sielhaspradpryjemstvie. Pa miescy žycharstva i pracy charaktaryzavaŭsia jak złoŭžyvajučy śpirtnymi napojai.