10-hadovaha chłopčyka naśmierć zasypała piaskom u karjery
U Viciebskim rajonie kala vioski Olhava z-za abvalvańnia piasku ŭ karjery zahinuła 10-hadovaje dzicia. Pra heta BiełaPAN paviedamiŭ pres-sakratar MNS Biełarusi Vital Navicki.
Pavodle jaho słoŭ, u ratavalnuju słužbu ad prachožaha 13 červienia ŭ 17.06 pastupiła paviedamleńnie pra abvalvańnie piasku ŭ karjery. Paśla prybyćcia ratavalnikaŭ z-pad zavału dastali chłopčyka. Miedrabotniki pravodzili reanimacyjnyja mierapryjemstvy, adnak praz 25 chvilin kanstatavali śmierć dziciaci.
Razam z zahinułym u karjery hulali jašče dvoje dziaciej. Jany nie paciarpieli.