Na čempijanacie śvietu pa pajadańni chot-dohaŭ pieramahła 28-hadovaja japonka
Trochrazovaja čempijonka śvietu pa pajadańni chot-dohaŭ z ZŠA Sonia Tomas pa mianušcy «Čornaja ŭdava» sastupiła svoj tytuł. Jak paviedamili 6 lipienia miascovyja ŚMI, na čarhovym mižnarodnym spabornictvie, jakoje prajšło ŭ subotu ŭ Ńju-Jorku, bliskučuju pieramohu atrymała 28-hadovaja japonka Miki Sudo. Jana źjeła na 6 sasisak u cieście bolš, čym jaje supiernica.
Minijaciurnaja (44,4 kh) 47-hadovaja amierykanka ničoha nie zmahła supraćpastavić svajoj bolš maładoj i atletyčnaj (56 kh) japonskaj supiernicy. Tomas źjeła ŭsiaho 27 i 3/4 chot-dohi, u toj čas jak Sudo — cełych 34.
Charakterna, što ŭ minułym hodzie Tomas ustanaviła rekord, źjeŭšy 45 chot-dohaŭ.
«Pieramoha była adzinym z varyjantaŭ, — pryznałasia Miki Sudo pa mianušcy «Cunami». — I siońnia ja nie źbirałasia viartacca dadomu bieź jaje».
Charakterna, što japonka, jakaja ŭ ciapierašni čas pražyvaje ŭ Łas-Viehasie, u hetym hodzie prymała ŭdzieł u jašče adnym mižnarodnym spabornictvie — pa pajadańni adnych sasisak. Tam jana ź lohkaściu pieramahła, źjeŭšy 113 sasisak.