Dziakuj, što nie prajhrali: Luksiemburh — Biełaruś — 1:1
Luksiemburh pakidaŭ pole navat krychu rasčaravanym, fota Luxemburger Wort.
Łars Hierson ledź nie staŭ tvorcam siensacyi, fota Luxemburger Wort.
U startavym matčy adboračnaha turniru čempijanatu Jeŭropy 2016 h. pa futbole zbornaja Biełarusi ŭ haściach zhulała ź Luksiemburham uničyju 1:1.
Luksiemburžcy adkryli lik u matčy na 42-j chvilinie: vyznačyŭsia Łars Hierson. Dahetul haspadary pieryjadyčna atakavali i mieli niekalki momantaŭ.
Zbornaj Biełarusi ŭdałosia zraŭniać na 78-j chvilinie vysiłkami Stanisłava Drahuna (pas — Cimafiej Kałačoŭ).
Čatyry hady tamu, u kastryčniku 2010 h., Biełaruś taksama zhulała ŭ haściach ź Luksiemburham uničyju — 0:0 (a ŭ 2007 h. u Homieli biełarusy naohuł prajhrali 0:1).
Siońnia ŭ našaj adboračnaj hrupie Ukraina doma prajhrała Słavakii — 0:1, a Ispanija pieramahła Makiedoniju — 5:1.
9 kastryčnika Biełaruś doma hulaje z Ukrainaj, a 12 kastryčnika — sa Słavakijaj.