U Breście hruzavik razburyŭ častku budynka aŭtamyjki
U Breście 10 vieraśnia hruzavik paškodziŭ fasad budynka i varoty aŭtamyjki.
Jak paviedamili u Bresckim abłasnym upraŭleńni MNS, u 13.47 infarmacyja pra heta zdareńnie na terytoryi AAT «Brestabłaŭtatrans» pastupiła ratavalnikam.
Rabotniki MNS, jakija prybyli na miesca vykliku, ustanavili, što pry vyjeździe «MAZa» z padniatym kuzavam z pamiaškańnia myjki adbyłosia abvalvańnie dźviuch ścienavych hipsavych plit nad varotami. Adna ź ich upała na hruzavik, druhaja znachodzicca ŭ avaryjnym stanie.
Ratavalniki demantavali avaryjnuju plitu i prybrali tuju, što ŭpała na aŭtamabil.
Apornaja zdolnaść ścien i dachu myjki nie parušana. Paškodžany kabina i kuzaŭ hruzavika, kiroŭca nie paciarpieŭ.
Budynak myjki 1998 hoda pabudovy, jaho vyšynia šeść mietraŭ, arandujecca pradpryjemstvam «BałtCharčHandal».
Jak udakładniła BiełaPAN staršy inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Milukova, słužbovym «MAZam» z paŭpryčepam kiravaŭ žychar Bresta 1960 hoda naradžeńnia. U dačynieńni da jaho składzieny pratakoł za parušeńnie pravił darožnaha ruchu na padstavie č. 5 art. 18.22 KoAP.