Prajekt Books From Belarus znajšoŭ pieršaha zamiežnaha vydaŭca dla biełaruskaj knihi
Dziakujučy inicyjatyvie biełaruskich niezaležnych vydaŭcoŭ raman Ihara Babkova «Chvilinka. Try historyi» vyjdzie na słavackaj movie.
Kniha «Chvilinka. Try historyi» pryniesła Iharu Babkovu pieršaje miesca na premii Hiedrojca ŭ červieni hetaha hoda. Na pačataku śniežnia «Chvilinka» była pryznanaja najlepšym uschodniejeŭrapiejskim ramanam hoda. Uryŭki ź jaje možna pačytać tut.
Heta pieršy vypadak, kali Books From Belarus znajšoŭ zamiežnaha vydaŭca dla biełaruskaj knihi. Inicyjatyva paśpiachova spracavała ŭ roli litaraturnaha ahienta na zamiežža.
Jak raspaviała «Našaj Nivie» Darja Vaškievič, adna z kurataraŭ «Books From Belarus», słavackija vydaŭcy viedali ab tvorčaści Babkova i da premii, ale taja stała šturškom da vydańnia knihi dla Słavakii i Čechii.
Prajekt Books From Belarus uklučaje šerah tvoraŭ aktualnych biełaruskich piśmieńnikaŭ. «Tyja knihi, što ŭ nas u katałohach, heta prykład, vybarka sučasnaj biełaruskaj litaratury», — tłumačyć Vaškievič.