Polšča paśpiachova vyprabavała ŭłasnyja zienitnyja kompleksy Poprad
Kamisija Inśpiektarata ŭzbrajeńniaŭ ministerstva abarony Polščy zakončyła vyprabavańnie mabilnych zienitnych kompleksaŭ Poprad, piša polski resurs defence24.pl.
Kompleksy Poprad. Fota defence24.pl.
Polskaja armija płanuje nabyć 79 kompleksaŭ da 2021 hoda, zhodna z płanam techničnaj madernizacyi Uzbrojenych sił Polščy na 2013—2022 hh.
Pavodle najaŭnaj infarmacyi, kompleksy Poprad uzbrojenyja 4 rakietami Grom (ci ichniaj bolš sučasnaj viersijaj Piorun), jakija ŭstalavanyja na šasi bronieaŭtamabila Zubr. Hetyja rakiety — madernizavany varyjant savieckich PZRK «Ihła» — źbivajuć pavietranuju techniku na vyšyni da 3,5 km i na adlehłaści da 5,5 km.
Razam z rakietnymi ŭstanoŭkami na bronieaŭtamabili staić kampjutar kiravańnia ahniom, sistema navihacyi, suviazi i ličbavaj pieradačy dadzienych, sistema identyfikacyi «svoj-čužy».
Bronieaŭtamabil abaronieny ad kul kalibra 12,7 mm, maje adpaviednuju formu kuzava i braniu dla dadatkovaj abarony ad min.