Łukašenka: Biełaruskaja armija pavinna adekvatna reahavać na ciapierašnija vykliki i pahrozy
Biełaruskaja armija pavinna adekvatna reahavać na ciapierašnija vykliki i pahrozy. Pra heta zajaviŭ Alaksandr Łukašenka pry naviedvańni Ministerstva abarony.
Łukašenka adznačyŭ, što maje namier abmierkavać napramki budaŭnictva Uzbrojenych Sił u sučasnych umovach.
«My pastajanna viartajemsia da hetaha pytańnia i navat nie tamu, što rezka źmianilisia ŭmovy vakoł našaj krainy, vielmi napružana situacyja, — skazaŭ kiraŭnik dziaržavy. — Pytańnie ŭ tym, kab my zmahli prystasavać svaje Uzbrojenyja Siły, pierš za ŭsio našaje vojska da reahavańnia na tuju situacyju, jakaja, nie daj boh, składziecca zaŭtra, paślazaŭtra i h.d».
«Umovy mianiajucca, niachaj nie kardynalna, ale my bačym, što adbyvajecca na tak zvanym teatry vajennych dziejańniaŭ u suviazi z kanfliktami, ich chapaje. My vyvučajem ich i, naturalna, nie možam nie reahavać, uličvajučy situacyju. Prychodzicca niedzie prystasoŭvacca da situacyi, mianiać mietady ŭzbrojenaj baraćby, kali treba budzie abaraniać krainu», — adznačyŭ biełaruski lidar.
Łukašenka nahadaŭ, što pry pryznačeńni na pasadu ministra abarony była pastaŭlena zadača — padrychtavać bačańnie pierśpiektyŭ stvareńnia mabilnaj adekvatnaj armii, Uzbrojenych Sił ŭ cełym. Pavodle jaho słoŭ, hetaja zadača vyrašana.
«Naša armija pavinna adekvatna reahavać na ciapierašnija vykliki i pahrozy. Adnak i srodki ŭ jaje my pavinny układvać, zychodziačy z realij siońniašniaha dnia. Tamu dalejšyja kroki pa raźvićci armii pavinny być usiebakova ŭzvažanyja i praličanyja», — padkreśliŭ kiraŭnik dziaržavy.