Kamień-rusafob i Saša Hrej u «Navarosii»: u jakuju brachniu vierać u Runecie
Adrazu dva bujnych rasijskich vydańnia raspaviali 18 lutaha historyju falšyvych cytat u «Adnakłaśnikach».
Na vyjavie rasijski deputat Vital Miłonaŭ, viadomy rezka hamafobskaj pazicyjaj, aŭtar zakonu suprać prapahandy homaseksualizmu. Pavieryli, abłajali
«Ščyrym patryjatyčnym» reakcyjam karystalnikaŭ sacsietak na vyjavy słavutych ludziej z falšyvymi «rusafobskimi» cytatami albo paviedamleńniami pra zabojstva ŭ Danbasie pryśviacili vialikija materyjały TJournal i Meduza.
Pačatkam stychijnaha fłešmobu stali niekalki vyjaŭ z falšyvymi cytatami, raźmieščanymi ŭ supołcy «UKantakcie» pad nazvaj «Filijał Adnakłaśnikaŭ».
«Adnakłaśniki» viadomyja śpiecyfičnaj aŭdytoryjaj — častka jaje, naprykład, błytaje sacsietku z pašukavikom. U Rasii niekatoryja ličać sacsietku «reziervacyjaj» niedaśviedčanych internaŭtaŭ.
Kiraŭnik supołki Arciom Krašanińnikaŭ zakinuŭ u supołku prychilnikaŭ Pucina na «Adnakłaśnikach» karcinki z falšyvymi cytatami Ramzana Kadyrava (jon niby kaža, što ŭratavaŭ pieršaha ruskaha ŭ 16 hod, napraŭdu ž kazaŭ, što zabiŭ) i Uładzimira Pucina (jon niby nazyvaŭ svajho palityčnaha apanienta Alaksieja Navalnaha vartym pierajemnikam).
«Ukidy» Krašanińnikava atrymali raznastajnyja kamientary — u Kadyrava «pavieryli», u Navalnaha — nie.
Raźvićcio idei, adzin z prykładaŭ
Padpisantam jaho supołki «UKantakcie» ideja spadabałasia, jany stali ładzić rehularnyja dyviersii. Ideju padchapili i karystalniki imidžborda «Dvač». Nie tolki karystalniki «Adnakłaśnikaŭ», ale i «addanyja patryjoty» ŭ inšych sacsietkach «vialisia» na «zabitych u Danbasie» Aleksa Navalisa (nasamreč, Alaksieja Navalnaha — jon acaniŭ žart) i miedsiastru Sašu Siarovu (byłuju pornazorku Sašu Hrej — jana źličyła vyjavu za sapraŭdnuju rasijskuju prapahandu).
Čym dalej, tym bolš absurdnymi stanavilisia dyviersii. Ale štoraz jany vyklikali ahresiŭnuju reakcyju da tem Ukrainy, Jeŭropy i ZŠA, ale patryjatyčnuju — da Pucina i Rasii.
Ahresiŭnyja kamientary źjaŭlalisia pad śpiecyfičnymi «rusafobami» — navat marskim ślimakom i kamianiom.
«Ja dumaju, u hetym pytańni kropka bifurkacyi ŭ vialikaj častki našaha hramadstva ŭžo projdzienaja. Ajčynnaje TV, zastajučysia pa sutnaści biezalternatyŭnaj krynicaj infarmacyi dla vielizarnaj kolkaści rasijcaŭ, pryzvyčaiła ich usprymać za praŭdu ŭsio što zaŭhodna», — kaža Krašanińnikaŭ pra reakcyju na vyjavy.