Taćciana Barysik. Palavańnie na vožyka
To padydzie źleva jon, to padskočyć sprava.
Łović durań vožyka, vo jakija spravy!
Vožyki, vožyki, dziŭnyja źviary,
Paviarnisia, vožyk, puzkam dahary.
Vožyk, važaniatka, nie ŭciakaj u les,
Siońnia ja da vožykaŭ maju intares:
Viedaju suchotnika ŭ vioscy adnaho,
Kažuć, vožyk smažany — leki dla jaho.
Ja chłapiec nie aby-što, vožyka ŭpaluju,
A suchotnik toj mianie bražkaj pačastuje!
Vožyki, vožyki, smačnyja źviary!
Paviarnisia vožyk, puzkam dahary.
Tolki vožyk sprytny byŭ, durnia nie spužaŭsia.
Pakaciŭsia pa raŭku, ŭ liście zakapaŭsia.
Znoŭku vožyk sapsavaŭ śviata dla varjata.
Dobra,što vakoł takich vožykaŭ bahata!
Vožyki, vožyki, rodnyja źviary,
Pakacisia, vožyk, puzkam dahary!