Łukašenka: Ludzi pavinny być zabiaśpiečany jakasnymi i dastupnymi ajčynnymi lekami
BiełTA
Nasielnictva Biełarusi pavinna być zabiaśpiečana dastupnymi i jakasnymi ajčynnymi lekami. Pra heta siońnia zajaviŭ Alaksandr Łukašenka na naradzie ab stanie i pierśpiektyvach raźvićcia biełaruskaj farmaceŭtyčnaj pramysłovaści.
Vytvorčaść lekaŭ źjaŭlajecca adnoj ich samych dachodnych i chutkarosłych halin u śviecie. «I ŭ nas raźvićcio hetaj haliny vyznačana doŭhaterminovym pryjarytetam», — padkreśliŭ kiraŭnik dziaržavy. U Biełarusi stvorana baza dla raźvićcia farmaceŭtyčnaj pramysłovaści. U 2010 hodzie kiraŭnikom dziaržavy była pastaŭlena zadača davieści dolu ajčynnych preparataŭ na ŭnutranym rynku da 50%. «Heta adno z pytańniaŭ nacyjanalnaj biaśpieki. My pavinny zabiaśpiečyć nasielnictva dastupnymi jakasnymi ajčynnymi lekami», — padkreśliŭ Alaksandr Łukašenka.
«Biełaruś — sacyjalnaja dziaržava, i ŭmacavańniu zdaroŭja ludziej my nadajom pieršaradnaje značeńnie. Tak budzie zaŭsiody», - skazaŭ jon. Z hetaj metaj pravodzicca madernizacyja miedycynskich ustanoŭ, asnaščeńnie ich najnoŭšym abstalavańniem, rychtujucca kvalifikavanyja śpiecyjalisty i, samaje hałoŭnaje, naroščvajecca vytvorčaść ajčynnych lekavych srodkaŭ.
Alaksandr Łukašenka źviarnuŭ uvahu, što ŭ sučasnych umovach surjoznuju niebiaśpieku ŭjaŭlaje praniknieńnie na biełaruski rynak falšyvych lekaŭ, jakija mohuć nanosić škodu zdaroŭju ludziej i finansach. Zaścierahčy ad takich pahroz u pieršuju čarhu zaklikana ajčynnaja farmaceŭtyka, ličyć kiraŭnik dziaržavy.