Kadyraŭ zatrymaŭ u Piacihorsku 200 narkamanaŭ i zhaniŭ ich u žyvym efiry
U čaćvier, 19 lutaha, kiraŭnik Čačni Ramzan Kadyraŭ uznačaliŭ sumiesny rejd čačenskich i staŭrapalskich siłavikoŭ u Piacihorsku, paviedamlaje Čačenskaja dziaržaŭnaja teleradyjokampanija «Hrozny».
U chodzie palicejskaj apieracyi byli zatrymanyja kala 200 narkamanaŭ — vychadcaŭ z Čačni. Usie jany byli dastaŭlenyja ŭ Čačniu, paśla čaho Kadyraŭ publična zhaniŭ ich.
Jak piša staŭrapolskaja «Kamsamołka», žychary Piacihorska paskardzilisia na toje, što žychary Čačni apanavali apteki horada, dzie jany kuplajuć psichatropnyja preparaty, jakija niemahčyma kupić u Čačni.
«Mnie napisała adna dziaŭčyna, maŭlaŭ, pryjazdžajcie, pastojcie la našaj apteki, ŭbačycie «sapraŭdnych čačencaŭ», — raspavioŭ Kadyraŭ. — «Čamu vy nie sprabujecie žyć jak narmalnyja ludzi, čamu vam nie soramna? Pjacie hetyja tabletki, a potym jedziecie vajavać u Siryju zabivać niavinnych ludziej! Vaš ład žyćcia taki daloki ad isłamu, navošta vy nosicie barody?»
Sumiesnuju apieracyju pravodzili palicyja Čačni i Staŭrapolla. Usiaho było zatrymana kala 200 čałaviek, usie jany byli dastaŭleny ŭ rezidencyju Kadyrava, dzie jon ich publična zhaniŭ ŭ teleefiry.