Hryščenia — nievyjazny
Naprykancy śniežnia baranavicki aktyvist apazycyi Jarasłaŭ Hryščenia atrymaŭ piśmovuju pastanovu, dzie paviedamlałasia, što chłopcu časova zabaronieny vyjezd z terytoryi krainy.
Naprykancy śniežnia baranavicki aktyvist apazycyi Jarasłaŭ Hryščenia atrymaŭ piśmovuju pastanovu, dzie paviedamlałasia, što chłopcu časova zabaronieny vyjezd z terytoryi krainy.
Jašče naprykancy vieraśnia Hryščenia sprabavaŭ atrymać dazvalalny dla vyjezdu štamp, jon źbiraŭsia lacieć u Strasburh, ale jamu admovili na padstavie “sudovaj pastanovy ad 11 vieraśnia”. Nahadajem, što ŭ hety dzień chłopiec byŭ pryznany vinavatym u parušeńni artykułu 193 KK “Udzieł u niezarehistravanaj arhanizacyi”. Hryščeniu tady prysudzili štraf u pamiery 930 tysiač rubloŭ.
«Napiaredadni Novaha hodu ja znoŭ pasprabavaŭ atrymać štampik, kab źjeździć da siabroŭ u Polščy, ale i na hety raz mnie admovili. Ja nakiravaŭ zapyt u pašpartny stoł, kab mnie patłumačyli pryčynu zabarony. Praź niejki čas pryjšoŭ adkaz: “My majem prava nie adkazvać na Vaša pytańnie”. Novych kryminalnych spravaŭ suprać mianie nichto nie zavodziŭ, štraf ja spłaciŭ, tamu nijakich zakonnych padstavaŭ dla zabarony ŭ ich niama», – kaža chłopiec.
Hryščenia ŭžo źviarnuŭsia sa skarhaj u sud.
Nahadajem, niekalki tydniaŭ tamu lideru AHP Anatolu Labiedźku dasłali takuju ž pastanovu z aficyjnym spavieščańniem pra zabaronu pakidać miežy Biełarusi, a ŭ minuły čaćvier hramadzkaha aktyvista j niezaležnaha žurnalista Barysa Hareckaha źniali ź ciahnika, kali jon kiravaŭsia na seminar pa internet‑žurnalistycy ŭ Kijeŭ.