ZŠA na hod praciahnuli sankcyi suprać Rasii
ZŠA na hod praciahnuli šerah abmiežavalnych mier u dačynieńni da Rasii z-za pahłybleńnia kanfliktu na ŭschodzie Ukrainy.
Reuters.com
Jak paviedamlaje pres-słužba Biełaha doma, adpaviednaje rašeńnie pryniaŭ prezident ZŠA Barak Abama.
«Ja padaŭžaju režym nacyjanalnaj nadzvyčajnaj situacyi, abjaŭleny va ŭkazie 13660», - havorycca ŭ zajavie Abamy.
Abama zajaviŭ, što pa-raniejšamu isnuje pahroza biaśpieki i źniešniaj palitycy ZŠA.
Pa słovach amierykanskaha prezidenta, «pahrozu ŭjaŭlajuć palityka i ludzi, jakija padryvajuć demakratyčnyja pracesy i instytuty ŭ Ukrainie, pahražajuć śvietu, biaśpiecy, stabilnaści, suvierenitetu i terytaryjalnaj cełasnaści (Ukrainy) i dapuskajuć niapravilnaje vykarystańnie naležać joj srodkaŭ».
Havorka idzie pra roznyja abmiežavalnyja miery ŭ dačynieńni da RF, jakija ŭrad ZŠA ŭvioŭ u minułym hodzie.
Nahadajem, ZŠA i Jeŭrasajuz spačatku nakłali sankcyi na Rasiju z-za anieksii Kryma, a zatym —z-za roli Maskvy ŭ eskałacyi supraćstajańnia na Danbasie.