Padazravany ŭ zabojstvie Niamcova Bachajeŭ nie pryznaŭ vinu
Šadzid Hubašaŭ i Chamzat Bachajeŭ na pasiadžeńni Basmannaha rajonnaha suda, kommersant.ru
Chamzat Bachajeŭ, jakoha rasijskija pravaachoŭnyja orhany padazrajuć u saŭdziele ŭ zabojstvie apazycyjnaha palityka Barysa Niamcova, admoviŭsia pryznavać vinu na sudzie.
«Ja nie prymaŭ udziełu ŭ hetym złačynstvie i ničoha pra jaho nie viedaŭ», — zajaviŭ baćka siemiarych niepaŭnaletnich dziaciej u Basmannym sudzie Maskvy.
Barys Niamcoŭ byŭ zastreleny ŭ centry Maskvy poźnim viečaram 27 lutaha. Pa spravie ab zabojstvie aryštavanyja piać čałaviek — Zaŭr Dadajeŭ, braty Anzor i Šadzid Hubašavy, Chamzat Bachajeŭ i Tamierłan Eskierchanaŭ.
Na minułym tydni hałoŭny abvinavačany — Zaŭr Dadajeŭ — admoviŭsia ad pryznańnia siabie vinavatym, zajaviŭšy, što abhavaryŭ siabie pad ciskam.