Raspracoŭščyki hulniaŭ zapuścili tranślacyju pakut čałavieka ŭ ciomnym pakoi
Što rabić biezymiennamu hieroju Project CKP vyrašaje hałasavańnie hledačoŭ.
Kadr z tranślacyi Project CKP
Kampanija Square Enix, viadomaja jak raspracoŭščyk i vydaviec videahulniaŭ, zapuściła interaktyŭnuju tranślacyju Project CKP (što rasšyfroŭvajecca jak CantKillProgress — «PrahresNieSpynić») na siervisie Twitch.
Hledačy niby ŭ realnym časie nazirajuć za nieviadomym mužčynam, zamknionym u ciomnym pakoi i mohuć upłyvać na jaho dziejańni praz rehularnyja hałasavańni.
Na starcie tranślacyi ŭ paniadziełak mužčyna źjaviŭsia ŭ pakoi ź miaškom na hałavie. Pieršym pytańniem da hałasavańnia było, jakuju muzyku jon bolš lubić: kłasičnuju ci fołk. Hledačy abrali druhi varyjant i nieviadomyja źbili hieroja pad fołk-muzyku.
Asnoŭny čas tranślacyi hieroj śpić, časam pačynaje zvać dapamohu, prasić ježy, pytać, za što jaho zamknuli ŭ pakoi.
U tranślacyi paznačana, kali adbuducca nastupnyja hałasavańni. Usiaho hledačam pryjdziecca vyrašyć los hieroja šeść raz, apošni raz 8 krasavika ŭ 18:30 pa minskim časie.
Karystalniki źviazvajuć interaktyŭnuju tranślacyju z budučym anonsam videahulni ad Square Enix — mierkavana, čarhovaha epizodu sieryi Deus Ex albo Hitman.