Skot Kieli i samy kaśmičny tvitar FOTA
Kieli razam z rasijskim kaleham praviadzie na MKS ceły hod. Na ziamli jaho budzie čakać brat-bliźniuk i hienietyki.
U kancy sakavika Skot Kieli adpraviŭsia na MKS razam z dvuma rasijskimi kasmanaŭtami.
Kieli ŭžo publikuje nieziamnyja fota ŭ svaim tvitary @StationCDRKelly z chešteham #YearInSpace.
Jon i Michaił Karnijenka praviaduć na arbicie roŭna hod, kab navukoŭcy mahli daśledavać upłyŭ kaśmičnych umoŭ na čałavieka napiaredadni palotu na Mars.
Pieršaje sełfi na novym pracoŭnym miescy
Ranišniaja kava i naviny
Pryvitańnie Chjustanu
Aŭstralija
Vinšavańnie ź Vialikadniem
Mark, brat-bliźniuk Skota Kieli, zastaŭsia na Ziamli — pa viartańni Skota miedyki i hienietyki paraŭnajuć stan bratoŭ. Bałazie Mark užo čatyry razy lotaŭ u kosmas i pravioŭ tam sumarna 54 dni.
***
Nie adzin Kieli tviciŭ z kosmasu na Ziamlu — mnohija astranaŭty ŭ volny čas źviazvajucca z domam i fanatami praz sacsietki.
Mahčyma, najbolšaj papularnaściu karystaŭsia tvitar kanadca Krysa Chedfiłda, jaki padčas svajoj apošniaj na siońnia 6-miesiačnaj ekśpiedycyi nie tolki publikavaŭ fota z MKS (u tym liku Minska), ale i zapisvaŭ navukova-papularnyja videa i navat šykoŭna śpieŭ na borcie MKS «Space Oddity» Devida Boŭi.