Łukašenka: Kali niama treniroŭki, ja ci biehaju, abo drovy siaku, abo ŭ tenis ź dziećmi hulaju
Alaksandr Łukašenka siońnia ŭ čas sustrečy z prafiesarska-vykładčyckim składam i studentami Biełdziaržuniviersiteta fizkultury padzialiŭsia sakretami dobraj fizičnaj formy.
president.gov.by
Kiraŭnik dziaržavy, adkazvajučy na pytańni studentaŭ, jak udajecca padtrymlivać siabie ŭ dobraj formie, pryznaŭsia, što dźvie hadziny ŭ dzień pryśviačaje sportu.
«Jak by ni było składana, navat u kamandziroŭkach», — skazaŭ jon.
«Sport — heta častka majho žyćcia. Nie było b sportu — nie zmoh by pracavać, vytrymlivać takija nahruzki», — skazaŭ Alaksandr Łukašenka. Jon adznačyŭ, što vielmi lubić sport: «Kali ja kažu pra sport — heta nie dla pryhožaha słoŭca».
Łukašenka raskazaŭ, što ŭ svoj čas zajmaŭsia futbołam, umieje hulać u valejboł i baskietboł. Chakiejnyja treniroŭki ŭ prezidenckim hrafiku značacca try razy na tydzień pa dźvie z pałovaj — try hadziny.
«Kali niama treniroŭki, ja ci biehaju, abo drovy siaku, abo ŭ tenis ź dziećmi hulaju», — dadaŭ Alaksandr Łukašenka.
Akramia taho, siarod spartovych zachapleńniaŭ kiraŭnika dziaržavy roliki i łyžarolery, hornyja łyžy, na jakija, zrešty, pa słovach kiraŭnika dziaržavy, paśla apieracyi na kalenie ŭ hetym hodzie prychodzicca stanavicca radziej.
interfax.by