U Litvie pradukty patańnieli
Delfi.lt
Litoŭskija statystyki, jakija nazirajuć za cenami na 100 tavaraŭ i pasłuh, kažuć, što ŭsio bolš najmieńniaŭ tavaraŭ tańnieje.
«My zaŭvažyli, što pavialičvajecca kolkaść praduktaŭ, ceny na jakija źnižajucca, i asabliva źnižajucca ceny na pradukty. Ale zachoŭvajucca tendencyi rostu cenaŭ na pasłuhi», — skazała na pres-kanfierencyi zahadčyca Adździeła statystyki cen Departamienta statystyki Nadzieja Alejeva.
Pavodle jaje słoŭ, vierahodnaść taho, što ceny na pasłuhi patrochu buduć raści, zachoŭvajecca, adnak jana nie zmahła skazać, čamu pasłuhi daražejuć.
Tak, u sakaviku na 1% padaražeła pasłuha pa zamienie nabojek na mužčynski abutak, šaurma z kuracinaj na vynas i čornaja kava ŭ kaviarniach. Nivodnaja pasłuha ŭ sakaviku ŭ paraŭnańni ź lutym, nie patańnieła.
Sa 100 tavaraŭ, uziatych dla analizu, ceny na 39 tavaraŭ vyraśli, na 35 — źnizilisia, a ceny na 26 tavaraŭ zastalisia bieź źmieny.