U Minsku z-za mocnaha vietru paškodžany dva aŭtamabili i pryvatny dom
Va ŭpraŭleńni rastłumačyli, što z-za paryvu vietru (20 m/s) na dva pryparkavanyja lehkavyja aŭtamabili na ŭnutrydvarovaj terytoryi ŽES-10 na vulicy Bresckaj upała vialikaja halina dreva. Aŭtamabili atrymali miechaničnyja paškodžańni.
Akramia taho, u pryvatnym domie na dźvie kvatery pa 1-m zavułku Pirahova viecier sarvaŭ častku dachu nad kvateraj №2 na płoščy 6 kv. m.
«Paciarpiełych niama. Da miescaŭ zdareńnia vyjazdžali apieratyŭnyja hrupy Kastryčnickaha RANS, RAUS», - dadali ŭ staličnym upraŭleńni.