Biełarusy prajhrali uruhvajcam na ČS pa futzale
Na čempijanacie śvietu pa futzale siońnia prachodziać pajadynki druhoha tura.
Zbornaja Biełarusi, jakaja vystupaje ŭ papiaredniaj hrupie A, na placoŭcy minskaha Pałaca sportu sastupiła kamandzie Uruhvaja ź likam 2:3 (0:2).
U pieršym siońniašnim matčy hrupy A zbornaja Brazilija pierajhrała supiernikaŭ z Aŭstralii — 5:1. Stanovišča kamand paśla dvuch turaŭ: Uruhvaj — 6 ačkoŭ, Biełaruś — 3, Brazilija — 3, Aŭstralija — 0. U zaklučnym tury 20 krasavika biełarusy sustrenucca z aŭstralijcami, a zbornyja Brazilii i Uruhvaja zhulajuć pamiž saboj.
Paśla zaviaršeńnia hrupavoha raŭnda spabornictvaŭ pieršaja kamanda hrupy A zhulaje ŭ čverćfinale z druhoj družynaj kvarteta V. Pa dźvie lepšyja družyny inšych kvartetaŭ zhulajuć u čverćfinałach pamiž saboj: S1-D2, C2-D1.
Čverćfinalnyja sustrečy projduć 22 krasavika ŭ minskim Pałacy sportu i bresckim spartkompleksie «Viktoryja». Paŭfinały (24 krasavika) i matčy za zołata i bronzu adbuducca 25 krasavika na placoŭcy «Minsk-Areny».