Fotapastka ŭ lesie Hrodzienskaha rajona «złaviła» pieršaha parušalnika
U Hrodzienskaj vobłaści z dapamohaj fotapastki ŭ lesie złavili pieršaha parušalnika, paviedamili ŭ Hrodzienskim dziaržaŭnym vytvorčym lesahaspadarčym abjadnańni.
Parušalnik «trapiŭsia» u fotapastku ŭ Hrodzienskim rajonie. Kamiera sfatahrafavała, jak jon vykidvaŭ śmiećcie. Asoba była apieratyŭna vyjaŭlenaja. Parušalnik apłaciŭ štraf.
U Hrodzienskaj vobłaści sioleta zakupili amal 35 fotapastak dla raźmiaščeńnia ich na terytoryi lashasaŭ. Heta mabilnyja srodki fotafiksacyi, jakija ŭstaloŭvajucca ŭ miescach, dzie mohuć ździajśniacca parušeńni zakanadaŭstva abo patrabujecca ŭlik žyvioł i h.d.
U ciapierašni čas fotapastki ŭstalavanyja ŭ miescach najbolš častych parušeńniaŭ hramadzianami pryrodaachoŭnaha zakanadaŭstva. Jany nakiravanyja na vyjaŭleńnie niezakonnych lesasiekaŭ, ustanaŭleńnie faktaŭ zabrudžvańnia lasnoj terytoryi i inš. Jany fiksujuć luby ruch: prabiahajučaha źviera albo čałavieka. Zdymki sa svaich smartfonaŭ mohuć ubačyć laśničyja i ekstranna pryniać miery.
Jak paviedamili ŭ DVŁHA, na dadzienuju sistemu, jakaja pracuje pa pryncypie fotafiksacyi na darohach, u lasnoj haspadarcy ŭskładajuć vialikija nadziei, bo ŭ čaściej za ŭsio vyjavić fakty parušeńnia lasnoha zakanadaŭstva hramadzianami davoli składana.