Biełaruś — Armienija — 1:2
Zbornaja Biełarusi pa futbole praviała druhi matč mižnarodnaha turniru, što prachodzić na Malcie.
Hetym razam supiernikam była zbornaja Armienii. Bernd Štanhie nia zmoh vystavić na matč aptymalny skład, bo fiksavanaj dataj FIFA źjaŭlajecca tolki 6 lutaha, i niekatoryja kluby na zakonnaj padstavie admovilisia adpuskać svaich hulcoŭ na ŭsie matčy.
Biełarusy adkryli lik u hulni ŭžo na 5‑aj chvilinie, vyznačyŭsia apalny Viačasłaŭ Hleb. Paśla hetaha supierniki pierachapili inicyjatyvu i zabili pa miačy ŭ abodvuch tajmach — 1:2. Armienija z 6 punktami ŭznačalvaje tablicu turniru.
U apošnim matčy Biełaruś sustreniecca z haspadarami turniru. Na hetuju hulniu padjeduć mnohija lidery zbornaj, u tym liku Alaksandar Hleb, Vital Kutuzaŭ, Jury Žaŭnoŭ. Projdzie jana 6 lutaha a 20:45.