28-hadovy minčuk raźviazaŭ bojku z DAIšnikami i złamaŭ rehistratar u mašynie DAI
Incydent adbyŭsia na vulicy Karvata ŭ Minsku.
Supracoŭniki DAI spynili 28-hadovaha kiroŭcu Nissan dla pravierki dakumientaŭ. Akazałasia, što paśviedčańnia kiroŭcy ŭ mužčyny niama — jaho pazbavili pravoŭ na pačatku hoda za paŭtornaje pieravyšeńnie chutkaści.
«U dačynieńni da parušalnika skłali administracyjny pratakoł, ale mužčyna pačaŭ pavodzić siabie ahresiŭna — vychapiŭ pratakoł i razarvaŭ jaho, a dla źniščeńnia dokazaŭ złamaŭ videarehistratar, jaki byŭ ustalavany ŭ patrulnym aŭtamabili», — raspaviała AUTO.TUT.BY pradstaŭnica DAI Partyzanskaha rajona Taćciana Spadabajeva. — Inśpiektaram ničoha nie zastavałasia, jak nadzieć na zatrymanaha kajdanki i dastavić jaho ŭ RUUS.
Kiroŭcu pryciahnuli da administracyjnaj adkaznaści za parušeńnie PDR i za niepadparadkavańnie supracoŭnikam milicyi. Akramia taho, mužčynie daviadziecca pakryć materyjalnuju škodu za złamany videarehistratar.