«Berlibry» z anšlaham
Dadałosia videa
Kala paŭtysiačy čałaviek naviedali prezentacyju novaj knihi Andreja Chadanoviča.
Takoha napłyvu naviednikaŭ nie čakaŭ nichto — niekalki sotniaŭ čałaviek zapoŭnili vialikuju teatralnuju zalu Biełaruskaj dziaržaŭnaj akademii mastactvaŭ dla taho, kab pabačyć Andreja Chadanoviča ŭ novym amplua aŭtara i deklamatara verlibraŭ. Ludzi zapoŭnili ŭsie prachody dy ŭsłychoŭvalisia, pryŭźniaŭšysia na dybački. Mnohija prosta nia zdoleli prabicca ŭ zalu.
Adkryŭ imprezu doktar Ulrych Janiecki, pradstaŭnik Berlinskaha Litaraturnaha kalokvijuma — arhanizacyi, jakaja zajmajecca padtrymkaj litarataraŭ z roznych krainaŭ. Darečy, mienavita ŭ časie svaich vandrovak u Berlin Andrej Chadanovič i napisaŭ ładnuju častku svaich «berlibraŭ».