U Biełaviežskaj puščy prajšoŭ čempijanat Jeŭropy pa vableńni aleniaŭ
Biełaruskich aleniaŭ najbolš pryvabili palaki.
Videa: «Radyjo Svaboda»
Čempijanat pa vableńni aleniaŭ sabraŭ u Biełarusi majstroŭ ź dzieviaci krain Jeŭropy, paviedamlaje sajt Biełaviežskaj puščy. Siarod spabornikaŭ byli i biełaruskija vabilščyki.
Pa try čałavieki ad kožnaj zbornaj z dapamohaj vabikaŭ imitavali šlubny kryk maładoha i staroha jeŭrapiejskaha alenia, tryumfalny kryk samca ŭ haremie i pahroźlivy kryk pierad bitvaj.
Kab konkurs byŭ maksimalna abjektyŭnym, žury aceńvała huki spabornikaŭ uślapuju, z zakrytych kabinak. Majstry samastojna vyrablali vabiki, adzin z vabilščykaŭ, Jacek Pščoŭka z Polščy, pachvaliŭsia vabikam-rakavinaj, pryviezienaj ź Filipinaŭ.
«Vielmi važna, što my musim stralać tolki alenia, jakoha možna stralać, — tłumačyć BIEŁTA sudździa Ałaiz Kašak sa Słavakii. — Takoha, u jakoha niadobryja trafiei, jaki stary ci chvory. Heta (vodhuk na vableńnie — NN) nam dapamahaje, kab my pahladzieli i skazali: hety vielmi dobry, jaho nielha stralać, a hety drenny, jaho možna stralać».
U konkursie pieramoh palak Tomaš Malinski, u jakaści pryzu jon atrymaŭ siertyfikat na novy karabin.