Kiraŭniki MZS krain Uschodniaha partniorstva pryjeduć u Minsk
Vyniki Ryžskaha samitu Uschodniaha partniorstva padviaduć na niefarmalnaj sustrečy ministry zamiežnych spraŭ dziaržaŭ - udzielnikaŭ u Minsku. Pra heta paviedamiŭ kiraŭnik MZS Biełarusi Uładzimir Makiej, piša BiełTA.
«Tradycyjna jany pravodziacca ŭ roznych krainach« Uschodniaha partniorstva ». Heta płanavaje mierapryjemstva, budzie prachodzić adrazu paśla samitu ŭ Ryzie, — skazaŭ jon. — Buduć padviedzieny vyniki samitu, u niefarmalnaj abstanoŭcy».
Makiej taksama adznačyŭ, što kiraŭniki zamiežnapalityčnych viedamstvaŭ krain, jakija ŭvachodziać u «Uschodniaje partniorstva», abmianiajucca «pohladami na toje, jak u budučyni hetaja inicyjatyva budzie raźvivacca».
Pieramovy ŭ takim farmacie adbuducca ŭ Minsku ŭpieršyniu.
Rasija rezka krytykuje Uschodniaje partniorstva, ličyć inicyjatyvu skiravanaj suprać upłyvu Maskvy. U vyniku takoj krytyki Alaksandr Łukašenka nie rašyŭsia pajechać na samit Uschodniaha partniorstva ŭ Ryhu, choć byŭ zaprošany.