Navukoŭcy pradstavili anłajn-test na imaviernaść chutkaj śmierci
Heta nie padman, a realnaja mahčymaść zarabić paru lišnich hod žyćcia!
Vyjava: Ray Ferrer, urbanwallart.wordpress.com
Šviedskija navukoŭcy raspracavali prosty test pad nazvaj Ubble, što prademanstruje ludziam va ŭzroście 40-70 hod ryzyku śmierci ciaham bližejšych piaci hod, jaki apisali ŭ časopisie The Lancet.
Prajści test Ubble (anhł.) >>>
Žančynam treba adkazać na 11, a mužčynam — na 13 prostych pytańniaŭ. Kolki mašyn u vašaj siamji? Vy palicie? Rak, dyjabiet, anhina?..
Kali uzrost u teście značna pieravyšaje vaš sapraŭdny ŭzrost, čas mianiać toje, što jašče možna źmianić.
Kab skłaści test, navukoŭcy apytali 500 tysiač brytancaŭ i pradstavili źviestki pra svaju DNK. Ciaham piaci hod z apytanych pamierli 8532 čałavieki. Na bazie atrymanaj infarmacyi navukoŭcy vyličyli klučavyja faktary, što mohuć vyklikać chutkuju śmierć.
Zatym daśledčyki praviali pravierku testu na 35 tysiačach ludziej. Dakładnaść testu skłała 80%, što, jak śćviardžajuć aŭtary, bolš nadziejna za vymiareńnie cisku i pulsu. Chacia test pravodziŭsia na brytancach, aŭtary kažuć, što jon moža być aktualnym i dla inšych krain.
Užyvańnie ałkaholu, jak ni dziva, nie ŭvajšło ŭ test — mienavita jano słaba ŭpłyvała na imaviernaść chutkaj śmierci. Peŭna, ałkahol prosta nikudy nie śpiašajecca. Zatoje śpiašajecca (asabliva dla ludziej 40-70 hod) kureńnie. Što jašče bolš dziŭna, chutkaść chady stała navat bolš značnym faktaram za kureńnie.