Zadača na łohiku prademanstravała niełahičnaść 90% ludziej
Za 50 hod ludzi nie navučylisia vyrašać jaje lepiej.
Zadača Vatsana, sfarmulavanaja ŭ 1960-ch, dahetul «łamaje mozh» niepadrychtavanym ludziam: tolki 10% ziamlan zdolnyja dać pravilny adkaz ź pieršaha razu.
Umovy zadačy prostyja:
Čałavieku prapanujecca čatyry kartki. Adzin bok pafarbavany ŭ błakitny ci zialony koler, na druhim boku ličba. Dźvie kartki paviernutyja da čałavieka ličbami (cotny i niacotny liki), dźvie — kalarovymi bakami (błakitnym i zialonym). Śćviardžajecca, što kali na adnym boku kartki cotny lik, to inšy bok błakitny. Kolki kartak treba pieraharnuć, kab pravieryć hetaje śćvierdžańnie?
Viadoma, možna pieraharnuć usie čatyry kartki, ale heta nie samy efiektyŭny sposab. A jaki efiektyŭny? Adnu, dźvie, try? Ci tolki čatyry, kab daviedacca dakładna?
Interaktyŭnaje videa na Youtube dazvalaje pravieryć, ci narmalnaja ŭ vas łohika (dakładniej, niełahičnaść).
Zadača Vatsana zacikaviła šerah navukoŭcaŭ: čamu jana takaja prostaja, a bolšaść ludziej jaje nie mohuć vyrašyć pravilna? Daśledavańni sistem čałaviečaha myśleńnia, adkaznych za «niełahičnaść», viaducca dahetul: apošniaja praca była apublikavanaja ŭ krasaviku 2015-ha, praz paŭsotni hod paśla farmuloŭki zadačy.
Miarkujecca, što cud u samoj farmuloŭcy, što zapuskaje «niapravilny», ale zvykły čałavieku kankretny ałharytm myśleńnia, zamiest «pravilnaha» dla zadačy abstraktnaha myśleńnia.
Kali tuju samuju zadaču sfarmulavać nie pra kartki, a pra pošuk palicyjaj niepaŭnahadovych naviednikaŭ baraŭ, na jaje daduć pravilny adkaz 75% ludziej. Tak što kali nie spraŭlajeciesia z kartkami, prosta nie dumajcie pra kartki.