U noč na 1 lipienia hadzińniki pieraviaduć na siekundu napierad
Čarhovaja karektyroŭka času z papraŭkaj na paskareńnie abaročvańnia Ziamli adbudziecca 1 lipienia, paviedamlaje TASS. U hety dzień a 3 nočy pa minskim časie ŭ hadzińniki budzie ŭviedzienaja dadatkovaja siekunda.
Zbojaŭ u pracy ziamnych i kaśmičnych sistem nie prahnazujecca — takija karektyroŭki pravodziacca rehularna, kab atamny čas supadaŭ z astranamičnym.
Čas pieraviaduć na MKS i ŭ centrach kiravańnia palotami, na vakzałach i aeraportach, u bankach i mabilnych kampanijach, a taksama aŭtamatyčnych sistemach naładaŭ času nakštałt tych, što vykarystoŭvajuć kampjutary i telefony.
Z 1967 hoda ziamlanie vykarystoŭvajuć atamny čas, jaki biespamyłkova (u maštabach čałaviečaha žyćcia) adličvaje siekundy. Ale Ziamla abaročvajecca nieraŭnavažna — praciahłaść dnia źmianiajecca štohod. Kali realny dzień adstaje ci abhaniaje atamny čas, čałaviectva karektuje hadzińniki. Z momantu uviadzieńnia atamnaha času jaho karektyroŭki nie nieśli maštabnych prablem.