Chresnym chodam pa centralnych vulicach kataliki Horadni prajšli ŭ śviata Božaha cieła FOTY
Tradycyjny chresny chod praz čatyry kaścioły pa vulicach Horadni prajšoŭ u śviata Božaha cieła ŭ čaćvier, 4 červienia.
Uračystaść raspačałasia ŭ 18 hadzin nabaženstvam ŭ Farnym kaściole. Prykładna praz hadzinu vierniki prajšli chrosnym chodam ad Fary pa vulicach Karła Marksa, Maładziožnaj, Paryžskaj Kamuny, a zatym praz stary most da francyskanskaha kaścioła.
Kataliki padčas šeścia taksama spynilisia pamalicca kala Pabryhickaha i Biernardynskaha kaściołaŭ.
U hety dzień časova byŭ pierakryty ruch na niekatorych centralnych vulicach.
Śviata Božaha cieła, jakoje nahadvaje pra padziei tajnaj viačery, pačali adznačać u XII stahodździ. U Horadni chresny chod pa vulicach horada ŭ hety dzień adbyvajecca z 1992 hoda.