Siarhiej Rumas biare ŭdzieł u niefarmalnaj sustrečy kiraŭnikoŭ jeŭrapiejskich nacyjanalnych fiederacyj i UEFA
Staršynia Biełaruskaj fiederacyi futboła Siarhiej Rumas i jaho pieršy namieśnik Siarhiej Safarjan biaruć udzieł u niefarmalnaj sustrečy kiraŭnikoŭ nacyjanalnych fiederacyj Jeŭropy i UEFA. Mierapryjemstva prachodzić 5—6 červienia ŭ Bierlinie ŭ miežach finalnaha matču Lihi čempijonaŭ pamiž ispanskaj «Barsiełonaj» i italjanskim «Juvientusam».
Rumas paviedamiŭ BiełaPAN, što sustreča pavinna była nasić aficyjny charaktar.
Na joj płanavałasia abmierkavać pazicyju UEFA ŭ dačynieńni da karupcyjnaha skandału ŭ FIFA, adnak u vyniku pakul usio abmiažujecca niefarmalnymi kansultacyjami.
U samoj BFF situacyju ŭ Mižnarodnaj fiederacyi futboła nie kamientujuć, ukazvajučy na toje, što idzie śledstva.
29 maja prezident FIFA Jozief Błater byŭ abrany na piaty termin, adnak praź niekalki dzion funkcyjanier padaŭ u adstaŭku. Pakul jon praciahvaje vykonvać svaje abaviazki.