Kiraŭnik Jeŭrakamisii admoviŭsia ad telefonnaj hutarki z premjeram Hrecyi
Premjer-ministr Hrecyi Aleksis Cypras i kiraŭnik Jeŭrapiejskaj kamisii Žan-Kłod Junkier ŭ Bruseli, 3 červienia 2015 hoda Fota AFP
Kiraŭnik Jeŭrapiejskaj kamisii Žan-Kłod Junkier ŭ subotu admoviŭsia pravodzić telefonnuju hutarku z premjer-ministram Hrecyi Aleksisam Cyprasam.
«Hrečaski premjer-ministr paprasiŭ ab telefonnaj razmovie ŭ 9 hadzin ranicy, ale Junkier admoviŭ u hetym, adznačyŭšy adsutnaść abiacanaha prahresu ŭ dyskusijach i prapanovach z boku Hrecyi», — cytuje ahienctva Frans Pres pradstaŭnika Jeŭrakamisii.
«Novaha raźvićcia niama, abmiarkoŭvać niama čaho», — dadaŭ jon.
Jašče ŭ piatnicu Cypras ŭ parłamiencie zajaŭlaŭ, što Hrecyja ni ŭ jakim razie nie prymie prapanovy kredytoraŭ, jakija patrabujuć praciahu palityki žorstkaj ekanomii i viaduć da spadu ekanomiki. Jon kazaŭ, što jaho niepryjemna ździvili prapanovy Junkiera, jaki patrabuje praciahvać raniejšuju palityku.