Kiraŭnik «DNR»: Ja zapavažaŭ «Pravy siektar»
Na pres-kanfierencyi kiraŭnik «Danieckaj Narodnaj Respubliki» Alaksandr Zacharčanka zajaviŭ, što pierahledzieŭ svajo staŭleńnie da «Pravaha siektara».
«Padniaŭsia «Pravy siektar» i skazaŭ: «Dałoŭ Parašenku!» Pieršy raz u žyćci ja zapavažaŭ ich, — pryznaŭsia kiraŭnik «DNR». — Ja ich pavažaju za dva momanty: kali źbili hiejaŭ u Lvovie i kali sprabavali prybrać Parašenku. Ja zrazumieŭ, što «Pravy siektar» — takija ž narmalnyja mužyki», — cytuje jaho Lifenews.
Napiaredadni lidar «Pravaha siektara» Dźmitro Jaraš zajaviŭ, što «treba ŭžo havaryć ab adstaŭcy prezidenta», bo kiraŭnik Ukrainy Piatro Parašenka zajmaje «nie svajo miesca». Pavodle jaho słoŭ, suprać «Pravaha siektara» razharnuli sapraŭdnuju infarmacyjnuju vajnu, a padziei ŭ Mukačavie sprabujuć vykarystoŭvać dla źniščeńnia struktur arhanizacyi.