Ad BCHK adčapilisia
Začyniena sprava ab prypynieńni dziejnaści Biełaruskaha Chielsinskaha kamitetu.
Viarchoŭny sud začyniŭ spravu ab prypynieńni dziejnaści Biełaruskaha Chielsinskaha kamitetu, paviedamlaje BIEŁTA.
U sudzie karespandentu patłumačyli, što Viarchoŭny sud zadavoliŭ zajavu Ministerstva justycyi pra admovu ad pretenzij da BCHK.
U krasaviku 2007 h. Ministerstva justycyi źviarnułasia ŭ Viarchoŭny sud z prośbaj časova prypynić razhlad spravy pa prypynieńni dziejnaści BCHK. Hramadzkaje abjadnańnie "robić usie mahčymyja kroki dla raźviazańnia ŭźnikłaj pravavoj kalizii", paviedamili ŭ ministerstvie.
Raniej Minjust prapanavaŭ kiraŭnictvu BCHK vypravić parušeńni zakanadaŭstva dy likvidavać zapatrabavanuju padatkovymi orhanami zapazyčanaść pa płciažam u biudžet. Na BCHK byli nakładzienyja ekanamičnyja sankcyi na 155 młn. rub.
U lutym 2006 h. Ministerstva justycyi vynies BCHK piśmovaje papiaredžańnie i zapatrabavaŭ likvidavać parušeńni zakonu. Ale abjadnańnie nia vykanała va ŭstanoŭleny termin hetych patrabvańniaŭ, i Minjust źviarnuŭsia ŭ Viarchoŭny sud z pazovam ab prypynieńni dziejnaści BCHK na 3 miesiaca.