U Minsku mužčyna zahinuŭ pad bietonnaj plitaj ułasnaha padvała
Pašyreńnie padvała kaštavała žyćcia 46-hadovamu mužčynu.
Jak paviedamlaje Minskaje haradskoje ŭpraŭleńnie MNS, 9 vieraśnia prykładna ŭ 17 hadzin pastupiła infarmacyja, što na terytoryi pryvatnaha domaŭładańnia ŭ Zavodskim rajonie pa vulicy Ukrainskaj u padvale haraža bietonnaj plitaj zavaliła čałavieka.
Zahinuły mužčyna 1969 hoda naradžeńnia pravodziŭ budaŭničyja (ziemlaryjnyja) raboty pa pahłybleńni i pašyreńni padvała haraža. Padčas rabot adyšła źniešniaja plita padmurka pry ŭvachodzie ŭ haraž, u vyniku čaho mužčyna byŭ błakiravany i atrymaŭ traŭmy, nie sumiaščalnyja z žyćciom.
Reanimacyjnaja bryhada, jakaja prybyła na miesca NZ, paśla ahladu paciarpiełaha kanstatavała śmierć.
Vymańnie zahinułaha z-pad zavałaŭ pravodziłasia da 20.36.