Piatro Jałfimaŭ prajšoŭ u 1/4 finału rasijskaha šou «Hałoŭnaja scena» VIDEA
Biełaruski vykanaŭca Piatro Jałfimaŭ tryumfalna prajšoŭ u čverćfinał rasijskaha telešou «Hałoŭnaja scena». U druhim vypusku prahramy ŭ žury tradycyjna siadzieli Mikałaj Naskoŭ, Valeryj Lavonćjeŭ, Dyjana Arbienina i zaprošany hość — Viačasłaŭ Dabrynin.
Jałfimaŭ vystupaŭ pieršym. Piatro vykanaŭ papularny chit kanca 70-ch hadoŭ, pieśniu «Zoračka maja jasnaja», z repiertuaru hurtu «Ćviety». Jon praśpiavaŭ dosyć blizka da aryhinału, ale ŭ finale dadaŭ fiejeryčna vysoki vakaliz, nie dapuściŭšy nivodnaj falšyvaj noty.
Abmierkavańnie žury było samym karotkim — usie čaćviora adrazu skazali «tak». Arbienina tolki dadała, što zaraz u jaje źjaviŭsia vyrazny kryter — chto maje prava znachodzicca na «Hałoŭnaj scenie». I ŭ hetaha kryteryju jość kankretnaje imia i proźvišča - Piatro Jałfimaŭ.
Piatra paprasili vykanać inšuju kampazicyju, kab pahladzieć inšyja mahčymaści hołasa — što było čystaj farmalnaściu, i moža być, cikaŭnaściu. Vakalist pierakanaŭča pakazaŭ zusim inšuju manieru i inšy, rokavy tembr, praśpiavaŭšy šlahier Viačasłava Dabrynina «Kačajetsia vahon» — pryčym sam aŭtar z zadavalnieńniem padpiavaŭ druhim hołasam.