Zimoŭski adkazaŭ pradprymalnikam
Alaksandar Zimoŭski adkazaŭ pradprymalnikam, jakija 18 lutaha źviarnulisia da staršyni Biełteleradyjokampanii z prośbaj ab pradstaŭleńnia žyvoha efiru na telebačańni, pahrozaj pryciahnieńnia ich da kryminalnaj adkaznaści, bo jany «nia majuć prava vystupać ad imia indyvidualnych pradprymalnikaŭ».
Alaksandar Zimoŭski adkazaŭ pradprymalnikam, jakija 18 lutaha źviarnulisia da staršyni Biełteleradyjokampanii z prośbaj ab pradstaŭleńnia prostaha eteru na telebačańni.
U liście na adras Viktara Harbačova Zimoŭski napisaŭ:
«U suviazi z tym, što Vy nia majecie prava vystupać ad imia indyvidualnych pradprymalnikaŭ Miensku i krainy, zhodna z zakonam RB ab zvarotach hramadzianaŭ, Biełteleradyjokampanija admaŭlaje Vam u pradstaŭleńni eteru. Vaša pryvatnaja prośba ab pradstaŭleńni žyvoha efiru supiarečyć artykułu 48 zakonu “Ab druku i inšych srodkach masavaj infarmacyi". U hetaj suviazi Biełteleradyjokampanija papiaredžvaje, što Vy možacie być pryciahnutyja da dyscyplinarnaj, administracyjnaj, kryminalnaj ci inšaj adkaznaści, u adpaviednaści z zakonam RB».
Adzin ź lideraŭ pradprymalnickaha ruchu Aleś Taŭstyka tak prakamentavaŭ adkaz televizijnikaŭ:
«Zakon nie zabaraniaje nam vykarystoŭvać svajo prava patrabavańnia prostaha eteru. Dobra, kali Harbačoŭ nia moža pradstaŭlać intaresy IP, to skažycie, kolki dla hetaha treba sabrać podpisaŭ, my ich źbiarom. Pradprymalniki zhodnyja na lubuju dyskusiju. Pry advarotnym rašeńni, my schilnyja mierkavać, što nas prosta bajacca».
Taksama Aleś Taŭstyka paviedamiŭ, što siońnia atrymaŭ pozvu na dopyt u jakaści śviedki pa kryminalnaj spravie viciebskaha pradprymalnika Siarhieja Parsiukieviča.