Miensk zastaniecca biaz chat

Nieŭzabavie z abličča Miensku moža źniknuć amal usia draŭlanaja zabudova.

Nieŭzabavie z abličča Miensku moža źniknuć amal usia draŭlanaja zabudova.

«Ciapier u Miensku razhladajecca novy hienplan raźvićcia horadu, — raskazaŭ učora žurnalistam staršynia kamitetu architektury i horadabudaŭnictva Mienharvykankamu Viktar Nikicin. — U papiarednim hienplanie, pryniatym u 2003 hodzie, my pakidali 12‑15 adsotkaŭ indyvidualnaj siadzibnaj zabudovy ŭ miežach horadu. U novym planie raźvićcia zastaniecca tolki 3‑4 adsotki. Ale heta budzie žyllo vysokaha ŭzroŭniu z svajoj infrastrukturaj.

Užo dakładna viadoma, što źniasuć viosku Družbu na ŭjeździe ŭ horad z boku Bieraścia, praca buldazerystam znojdziecca ŭ pasiołku traktarabudaŭnikoŭ u Partyzanskim rajonie, źniknuć adna‑dvuchpaviarchovyja pabudovy na vulicach Arłoŭskaj, Uschodniaj. U hetych miescach źjaviacca sučasnyja žyłyja rajony, da budaŭnictva jakich buduć pryciahnutyja investary.

«Horad biare na siabie abaviazalnictva źnieści staryja damy, dać ludziam žytło i tolki paśla puścić na hetuju terytoryju investara, — tłumačyć Viktar Nikicin. — Ale investar pavinien budzie kampensavać vydatki horadu. Heta ahulnasuśvietnaja praktyka.

Vidavočna, što hałoŭnaja prablema, ź jakoj sutyknucca architektary, — adsialeńnie žycharoŭ. Na skryžavańni praspektu Dziaržynskaha i vulicy Ščorsa, dzie ciapier budujecca metro «Hrušaŭka», planavali źnieści damy jašče letaś u vieraśni. Adnak prapanavanyja varyjanty pierasialeńnia žycharoŭ nie zadavolili. Ludzi sudziacca, a damy jak stajali, tak i stajać.

U sielhaspasiołku Savieckaha rajonu dziasiatki katedžaŭ u dva‑try pavierchi. Naŭrad ci ich žychary zachočuć pramianiać svajo žyllo na kvateru typovych spažyvieckich jakaściaŭ u panelnym šmatpaviarchoviku dzie‑niebudź na ŭskrainie Miensku.

«U budučyni kanfliktaŭ być nia musić, — upeŭnieny načalnik upraŭleńnia žyllovaj palityki Mienharvykankamu Mikałaj Kom. — Ciapier raspracoŭvajecca prajekt narmatyŭna‑pravavoha aktu, jaki ŭ poŭnaj miery zabiaśpiečyć harantyi j pravy hramadzian pry adbirańni ziamielnych učastkaŭ i znosie damoŭ. Žyllo budzie ŭzyčacca pamieram nia mienšym za zajmanaje. U inšym vypadku praduhledžanaja kampensacyja.

Pavodle: Mikałaj Hradziuška, «Respublika»

Hladzi jašče:
Hrušaŭskija chaty stali metrabudu ŭpopierak horła

Kamientary da artykuła